ဘူးသီးတောင်မြို့နယ်၌ AA နှင့် တပ်မတော်တိုက်ပွဲဖြစ်ပွား၊ တပ်မတော်မှ လေကြောင်းပစ်ကူ၊ လက်နက်ကြီး ပစ်ကူများဖြင့် ထိရောက်စွာပစ်ခတ်ရှင်းလင်းကြောင်း တပ်မတော်ဆို

စစ်တွေ၊ ဖေဖော်ဝါရီ – ၁၁ ရခိုင်ပြည်နယ်မြောက်ပိုင်း၊ ဘူးသီးတောင်မြို့နယ်၌ AA နှင့် တပ်မတော်တိုက်ပွဲဖြစ်ပွားလျှက်ရှိပြီး တပ်မတော်မှ လေကြောင်းပစ်ကူ၊ လက်နက်ကြီး ပစ်ကူများဖြင့် ထိရောက်စွာပစ်ခတ်ရှင်းလင်းကြောင်း တပ်မတော်ဆိုသည်။ ရခိုင်ပြည်နယ်၊ ဘူးသီးတောင်မြို့နယ်၊ ဘုရားပြင်သိန်းတန်အုပ်စု၊ သိန်းတန်ကျေးရွာသို့ ဇန်နဝါရီ ၃၁ ရက်နေ့က AA အကြမ်းဖက်သောင်းကျန်းသူ ၄ ဦးက ကျေးရွာနေ အမျိုးသမီး ၁ ဦးအား မုဒိမ်းကျင့်ရန် ကြိုးစားပြီး ရိုက် နှက်နှိပ်စက်သဖြင့် ကျေးရွာအတွင်းရှိ အမျိုးသမီးများက ဝိုင်းဝန်းတားဆီးရာမှ ရုန်းရင်းဆန်ခတ် ဖြစ်ပွားခဲ့ခြင်း၊ ယင်းဖြစ်စဉ်ကြောင့် AA အကြမ်းဖက်သောင်းကျန်းသူ ၃၀ ဦးခန့် ရွာသို့ ထပ်မံရောက်ရှိလာကာ ကျေးရွာကို ဝိုင်း ပတ်ပိတ်ဆို့၍ မီးရှို့ပစ်မည်ဟု ခြိမ်းခြောက်ခြင်း၊ ၎င်းတို့ ထောင်ထားသောမိုင်းများကို စောင့်ကြည့်ရန်နှင့် မိုင်း များ မတော်တဆပေါက်ကွဲမှုဖြစ်ပါက မိုင်း ၁ လုံးလျှင် ငွေကျပ် ၁၀ သိန်း ပေးလျော်ရမည်ဖြစ်ကြောင်း အဓမ္မ ပြောဆိုခြင်း၊

ဖေဖော်ဝါရီ ၁ ရက်နေ့ ည ၈ နာရီခန့်တွင်း ယမန်နေ့က မုဒိမ်းကျင့်ရန် အကြမ်းဖက်နှိပ်စက်ခံရ သည့် အမျိုးသမီး ၁ ဦး၊ မျက်မြင်သက်သေ အမျိုးသမီး ၂ ဦးနှင့် ကျေးရွာဆယ်အိမ်မှူးများကို AA အကြမ်းဖက် သောင်းကျန်းသူများက ဖမ်းဆီးခေါ်ဆောင်သွားကာ AA အကြမ်းဖက်သောင်းကျန်းသူများ၏ အကြမ်းဖက် လုပ်ရပ်များမှာ မှန်ကန်ခြင်းမရှိကြောင်း ခြိမ်းခြောက်ထွက်ဆိုစေရန် ဗီဒီယိုမှတ်တမ်းရိုက်ကူးခြင်း၊ အတင်း အကြပ် ဝန်ခံကတိလက်မှတ်ရေးထိုး၊ လက်ဗွေနှိပ်စေခဲ့ခြင်း၊ ထို့နောက် ဖမ်းဆီးခေါ်ဆောင်သွားသူများကို ပြန်လွှတ်ပေးလိုက်သော်လည်း အသက်အန္တရာယ်စိုးရိမ်သဖြင့် ရွာသို့ ပြန်မလာရဲဘဲ တိမ်းရှောင်နေရခြင်း၊ ယင်းမတိုင်မီကလည်း AA သောင်းကျန်းသူများက ကျေးရွာနေ ပြည်သူများအပေါ် ရိက္ခာတောင်း၊ ဆက်ကြေး တောင်း၊ အဓမ္မအနိုင်ကျင့်မှုများရှိခဲ့ပြီး ယင်းအခြေအနေများအပေါ် ရပ်မိရပ်ဖများက စိုးရိမ်တကြီး တပ်မတော်

စစ်ကြောင်းထံသို့ ဖေဖော်ဝါရီ ၁ ရက်နေ့တွင် စားရေးသားအကြောင်းကြား၍ အကူအညီ တောင်းခံခဲ့ခြင်း၊ တပ်မတော်စစ်ကြောင်းများကလည်း ချက်ချင်းပင် သိန်းတန်ကျေးရွာသို့ သွားရောက်ခဲ့ပြီး အခြေအနေအား အသေးစိတ်စိစစ်ကာ လိုအပ်သော လုံခြုံရေးနှင့် ကျန်းမာရေးစောင့်ရှောက်မှုလုပ်ငန်းများ ဆောင်ရွက်ပေးခဲ့ခြင်း များကို ဖေဖော်ဝါရီ ၂ ရက်နေ့တွင် ပြည်သူလူထုသိရှိအောင် သတင်းထုတ်ပြန်ခြင်းနှင့် ဖေဖော်ဝါရီလ ၃ ရက် တွင် တပ်မတော်သတင်းစာရှင်းလင်းပွဲ၌ အသိပေးထုတ်ပြန်ပေးခဲ့ပြီးဖြစ်ပါသည်။

ဖေဖော်ဝါရီ ၁ ရက်နေ့က သိန်းတန်ကျေးရွာ ပြည်သူများအား ဖမ်းဆီးခေါ်ဆောင်သွားသော AA အကြမ်း ဖက်သောင်းကျန်းသူများနောက်သို့ တပ်မတော်စစ်ကြောင်းများ ထက်ကြပ်လိုက်စစ်ဆင်ခဲ့ရာ ဖေဖော်ဝါရီ ၂ ရက်တွင် သိန်းတန်ကျေးရွာ၏ အရှေ့တောင်ဘက် မီတာ ၁၀၀၀၀ ခန့်အကွာ မေယုမြစ်အရှေ့ဘက်ကမ်းရှိ အောင်ဇေယျကျေးရွာအနီးတွင် AA အကြမ်းဖက် သောင်းကျန်းသူများနှင့် ထိတွေ့မှုဖြစ်ပွားခဲ့ပြီး အလောင်း၊ လက်နက်အချို့ သိမ်းဆည်းရမိခဲ့ကြောင်းနှင့် AA အကြမ်းဖက်သောင်းကျန်းသူများ မြောက်ဘက်သို့ ဆုတ်ခွာ ထွက်ပြေးသွားခဲ့ကြောင်း သိရှိရသည်။

ဆုတ်ခွာထွက်ပြေးသွားသော AA အကြမ်းဖက်သောင်းကျန်းသူများအား ဆက်လက်၍ ပိတ်ဆို့ဝိုင်းပတ် လိုက် စစ်ဆင်ခဲ့ရာ သိန်းတန်ကျေးရွာ အရှေ့ဘက် မီတာ ၅၀၀၀ ခန့်အကွာရှိ စိုင်ဒင်ချောင်း၏ အရှေ့ဘက် ကွမ်း တောင်ကျေးရွာနှင့် စပါးထားကျေးရွာကြားတွင် AA အကြမ်းဖက်သောင်းကျန်းသူများနှင့် ယနေ့ ဖေဖော်ဝါရီ ၁၀ ရက်နေ့ နံနက်ပိုင်းမှ စတင်၍ နေရာ ၃ နေရာ၌ ထိတွေ့မှုများ ဖြစ်ပွားခဲ့ပါသည်။ ထိတွေ့မှုဖြစ်စဉ်များတွင် သောင်းကျန်းသူ အင်အားများသောကြောင့် တပ်မတော်စစ်ကြောင်းများက လေကြောင်းပစ်ကူ၊ လက်နက်ကြီး ပစ်ကူများဖြင့် စနစ်တကျ ဟန်ချက်ညီ တိုက်ခိုက်ချေမှုန်းခဲ့ရာ AA အကြမ်းဖက်သောင်းကျန်းသူများ အထိနာ ကာ ၎င်းတို့ထံမှ အလောင်း၊ လက်နက်အချို့ ထပ်မံသိမ်းဆည်းရမိခဲ့ကြောင်း သိရှိရသည်။

အဆိုပါဖြစ်စဉ်တွင် သောင်းကျန်းသူခေါင်းဆောင်အချို့ ပါဝင်သည့်ဟု ယူဆရသောအဖွဲ့များသည် စိုင်ဒင် ချောင်းကို လှေဖြင့် ဖြတ်ကူးထွက်ပြေးသည်ကို တွေ့မြင်ရသဖြင့် ပစ်ခတ်ချေမှုန်းခဲ့ရာ ၎င်းလှေ ပျက်စီးနစ်မြုပ် သွားခဲ့ကြောင်းလည်း သိရှိရသည်။ ဖော်ပြပါ ဖြစ်စဉ်များတွင် သိမ်းဆည်းရမိသော သောင်းကျန်းသူ အလောင်း များအား စနစ်တကျကောင်းမွန်စွာ သဂြိုဟ်ပေးခဲ့ကြောင်းနှင့် သိမ်းပိုက်ရရှိ သည့်နေရာများအား ဆက်လက်၍ အသေးစိတ်စိစစ်ဆောင်ရွက်လျက်ရှိကြောင်း သိရှိရသည်။

တပ်မတော်စစ်ကြောင်းများ၏ ထက်ကြပ်လိုက်စစ်ဆင်ချေမှုန်းခြင်းကြောင့် အထိနာနေသော AA အကြမ်းဖက် သောင်းကျန်းသူအဖွဲ့များအား အကူပေးနိုင်ရန်အတွက် ထိတွေ့မှုများဖြစ်ပွားရာ ကွမ်းတောင်ရွာ၏မြောက်ဘက် ဥယျာဉ်တာကျေးရွာအနီး တောင်ကုန်းများသို့ AA အကြမ်းဖက် သောင်းကျန်းသူများ ထပ်မံရောက်ရှိလာသဖြင့် ဟန့်တားထိန်းချုပ်ကာ လေကြောင်းပစ်ကူ၊ လက်နက်ကြီးပစ်ကူများဖြင့် ထိရောက်စွာ ဟန်ချက်ညီ ပစ်ခတ်ချေ မှုန်းလျက်ရှိကြောင်းလည်း သိရှိရသည်။ AA အကြမ်းဖက်သောင်းကျန်းသူများသည် ရခိုင်ပြည်နယ်အတွင်း အစိုးရ၏ အုပ်ချုပ်မှုယန္တရားများအား နှောင့်ယှက်ဖျက်ဆီးခြင်း၊ လွှတ်တော်ကိုယ်စားလှယ်များ၊

ကုမ္ပဏီဝန်ထမ်း များ၊ မြို့နယ်ကျေးရွာအုပ်ချုပ်ရေးမှူးများ၊ အစိုးရဝန်ထမ်းများ၊ စစ်မှုထမ်းဟောင်းများ၊ အပြစ်မဲ့အရပ်သား ပြည်သူ လူထုများအား ဖမ်းဆီးခြင်း၊ သတ်ဖြတ်ခြင်း၊ ခြိမ်းခြောက်ခြင်း၊ အဓမ္မပြုကျင့်နှိမ့်စက်ခြင်း၊ ဝန်ထမ်းများ၏ လစာ စရိတ်များအပါအဝင် နိုင်ငံတော်ဘဏ္ဍာအများပြည်သူပိုင်ငွေကြေးများကို လုယက် ဓားပြတိုက်ခြင်း၊ ဆက်ကြေး ရိက္ခာတောင်းခြင်း၊ တရားမဝင် မူးယစ်ဆေးဝါးများ သယ်ဆောင်ရောင်းဝယ်ခြင်း၊ ရပ်ရွာကျေးရွာများအတွင်း ရွာသားအသွင်ယူကာ အကာအကွယ်ယူ လူသားတံတားတိုင်းပြုလုပ်ပြီး တပ်မတော်စစ်ကြောင်းများအား ပစ်ခတ်တိုက်ခိုက်ခြင်း၊ မိုင်းထောင်ဖောက်ခွဲခြင်း၊ ယခုနောက်ပိုင်းတွင် ဘင်္ဂါလီကျေးရွာများတွင် တိုက်ပွဲဖြစ်ပွား

အောင် ပဋိပက္ခများဖြစ်အောင်ဖန်တီးကာ အစိုးရနှင့် တပ်မတော်အပေါ် နိုင်ငံတကာမှ အထင်အမြင်လွဲမှား အောင် လုပ်ဆောင်ခြင်းများစသော အဓိပ္ပာယ်မဲ့ အကြမ်းဖက်လုပ်ရပ်များဖြင့် နိုင်ငံတော်အစိုးရအပေါ် ဆန့်ကျင် ပုန်ကန်ကာ ဒေသတစ်ခုလုံး မတည်မငြိမ်ဖြစ်အောင်၊ ဒေသခံသူများ နေ့စဉ်နှင့်အမျှ စိုးရိမ်ထိတ်လန့်နေအောင် လုပ်ဆောင်နေကြောင်း တွေ့ရှိရပြီး ၎င်းတို့၏ လုပ်ရပ်များအပေါ် ပြည်သူလုထူက ကြောက်လန့်ရွံမုန်းကာ လက်မခံနိုင်ကြောင်း တပ်မတော်က ဆိုသည်။credit :PeopleMedia